KUKATA RUFAA MATOKEA KWA WANACHUO

Read More

KUFUNGULIWA DIRISHA LA UDAHILI WA NAFASI ZA MASOMO KWA MWAKA 2021/2022

Read More

MAFUNZO YA KUJIANDAA KUSTAAFU KWA WATUMISHI WA MAHAKAMA YA TANZANIA

Mkurugenzi wa Utawala na Rasilimali watu wa Mahakama ya Tanzania Bwana Edward J.K. Nkembo amefungua rasmi mafunzo ya kujiandaa kustaafu kwa Watumishi wapatao 84 wa Mahakama ya Tanzania kutoka kwenye kanda mbalimbali za Mahakama ya Tanzania. Mafunzo haya yanafanyika katika ukumbi wa Magadu uliopo mkoani Morogoro kwa muda wa siku tano kuanzia tarehe 26 mpaka 30 Julai, 2021. Bwana Nkembo, alipokuwa akifungua mafunzo hayo aliwapongeza washiriki hao kwa kuwa watumishi bora kwa muda wote waliotumikia Mahakama ya Tanzania mpaka utumishi wao unapokoma. 

Pia aliendelea kwa kuwasisitiza washiriki hao kuwa makini na wizi wa mitandaoni na kwamba utapeli na rushwa ni matukio mabaya ambayo wastaafu wengi wamekutana nayo na kuwataka kuchukua tahadhari zote za kukabiliana nayo. Kwa upande wake, Mtendaji wa Mahakama ya Tanzania, mkoa wa Morogoro ndugu Nestory Mujunangoma amewataka washiriki hao kufanya maandalizi ya kustaafu mapema na kuchukua maamuzi sahihi ambayo hayataathiri maisha yao baada ya kustaafu huku akilinganisha kustaafu kama kubadili gia kwenye gari na kwamba maisha yanaendelea hata baada ya kustaafu kama ambavyo gari huendelea hata baada ya kubadili gia.

Naye Mratibu wa Mafunzo hayo Ndugu Nuhu Mtekele, Mhadhiri wa Chuo cha Uongozi wa Mahakama Lushoto aliewaeleza washiriki hao kuwa mafunzo hayo ni mpango wa utekelezaji wa Sera ya Mafunzo ya Utumishi wa Umma ya Mwaka 2013, Mpango Mkakati wa Mahakama ya Tanzania, Sera ya Mafunzo ya Mahakama ya Tanzania ya mwaka 2019 pamoja Mpango Mkakati wa Chuo wa miaka mitano wa mwaka 2018/19-2022/23. 

Ndugu Mtekele aliendelea kwa kusema kuwa pamoja na mafunzo ya darasani, washiriki watapata fursa ya kutembelea Chuo Kikuu cha kilimo cha Sokoine (SUA) kilichopo mkoani Morogoro ili kujionea kwa vitendo miradi na shughuli za ujasiriamali na uwekezaji katika nyanja za kilimo na ufugaji na zile ambazo wanaweza kupenda kuzifanya na hatimaye kuwasaidia kimaendeleo baada ya kustaafu.

Mafunzo hayo yameratibiwa na kuendeshwa na Mahakama ya Tanzania kwa kushirikiana na Chuo cha Uongozi wa Mahakama Lushoto. Mafunzo hayo yamejumuisha washiriki wa kada mbalimbali wakiwepo mahakimu, wasaidizi wa kumbukumbu, makatibu mahususi, walinzi n.k.

Mkurugenzi wa Utawala na Rasilimali watu, Mahakama ya Tanzania Bwana Edward J.K. Nkembo akifungua rasmi mafunzo ya kujiandaa kustaafu kwa Watumishi wa Mahakama ya Tanzania ambao hawapo pichani

Mkurugenzi wa Utawala na Rasilimaliwatu, Mahakama ya Tanzania Bwana Edward J.K. Nkembo (aliyeketi katika) kulia kwake ni Mtendaji wa Mahakama ya Hakimu Mkazi, Morogoro Ndugu Nestory C. Mujunangoma na kushoto ni Ndugu Nuhu Mtekele Mhadhiri wa Chuo cha Uongozi wa Mahakama Lushoto na Mratibu wa Mafunzo wakiwa katika picha ya pamoja na washiriki wa mafunzo ya kustaafu.

Mkurugenzi wa Utawala na Rasilimali watu, Mahakama ya Tanzania Bwana Edward J.K. Nkembo (aliyeketi katika) kulia kwake ni Mtendaji wa Mahakama ya Hakimu Mkazi, Morogoro Ndugu Nestory C. Mujunangoma na kushoto ni Ndugu Nuhu Mtekele Mhadhiri wa Chuo cha Uongozi wa Mahakama Lushoto na Mratibu wa Mafunzo wakiwa katika picha ya pamoja na washiriki wa mafunzo ya kustaafu.

Picha mbalimbali za washiriki wa Mafunzo ya Kujiandaa kustaafu wakiwa wanafualitia ufunguzi wa mafunzo hayo ulifanyika katika ukumbi wa Magadu Mkoani Morogoro

Mkurugenzi wa Utawala na Rasilimaliwatu, Mahakama ya Tanzania Bwana Edward J.K. Nkembo (aliyeketi katika) kulia kwake ni Mtendaji wa Mahakama ya Hakimu Mkazi, Morogoro Ndugu Nestory C. Mujunangoma na kushoto ni Ndugu Nuhu Mtekele Mhadhiri wa Chuo cha Uongozi wa Mahakama Lushoto na Mratibu wa Mafunzo wakiwa katika picha ya pamoja na sekreatieti.

Read More

UZINDUZI WA KITABU CHA MKUSANYIKO WA MASHAURI YA MTOTO (COMPENDIUM OF CHILD JUSTICE CASES) NA RIPOTI YA TATHMINI YA MAFUNZO YA UENDESHAJI WA MASHAURI YA MTOTO (REPORT ON THE IMPACT ASSESSMENT OF TRAININGS TO JUVENILE JUSTICE FRONTLINE WORKERS)

Jaji mkuu wa Tanzania. Mhe. Prof. Juma ametoa pongezi hizo kwenye uzinduzi wa kitabu hicho uliofanyika katika Ukumbi wa Mikutano wa Mwalimu Nyerere jijini Dar es Salaam, leo Julai 19, 2021. Kitabu hicho kilichoandaliwa na Chuo cha Uongozi wa Mahakama kwa kushirikiana na Mahakama ya Tanzania kupitia ufadhili wa Shirika la Umoja wa Mataifa linaloshughulikia masuala ya mtoto (UNICEF). Akizungumza wakati wa uzinduzi huo, 

Mhe. Prof. Juma amezitaka mamlaka zinazosimamia na kutetea haki za mtoto kufanya kazi kwa kushikiana pamoja na kushiriki katika mafunzo mbalimbali yanayohusu mada za uendeshaji ya mashauri ya mtoto ili kuweza kuboresha mfumo wa ufatiliaji madai ya haki za mtoto kwa kushirikiana na mahakama nchini. Mhe. Jaji Prof. Juma aliendelea kwa kusema kuwa wadau wa haki ya mtoto wanapaswa kushilikiana katika kutoa kipaumbele kwa masilahi ya haki za mtoto. 

Mhe. Prof. Juma amesema kuwa haki ya ulinzi pamoja na ustawi wa mtoto hauwezi kupatikana kwa kuiachia chombo cha mahakama peke yake bali inapatikana katika mfumo jumuishi wa haki ya mtoto ambao ni kivuli katika kuhakikisha usitawi na maendeleo ya mtoto, Kwa upande mwingine, Mhe. Jaji Prof. Juma alitoa wito kwa Waheshimiwa Majaji Wafawidhi wa kanda zote nchini, Mahakimu Wafawidhi wa Mikoa na Mahakama za Wilaya kuhakikisha kuwa wanapata nakala za kitabu hicho katika ofisi zao kwa ajili ya matumizi yao ili kusaidia kufanya rejea inapotakiwa kufanya hivyo. Kwa upande wake Mkuu wa Chuo cha Uongozi wa Mahakama Lushoto Mhe. Dkt. Paul Kihwelo Jaji wa Mahakama ya Rufani amesema kwa kushirikiana na Mahakama kuu ya Tanzania chini ya ufadhili wa Shirika la kuhudumia watoto dunia UNICEF uongozi wa chuo umekuwa ukiendesha mafunzo mbalimbali yanayohusu namna bora ya usimamizi wa kesi za mtoto mahakamani. 

Akitaja faida kadhaa za kitabu hicho, Mhe. Jaji Mkuu alisema kuwa kitabu hiki kinakumbusha kuwa, zipo sheria nyingi zaidi ya Sheria ya Mtoto ya 2009 [Law of the Child Act Na. 21 ya 2009], na kuwa Haki Mtoto haipatikani ndani ya Sheria moja tu bali kuna vifungu vya Katiba, Sheria mbalimbali, Kanuni, Taratibu, Mazoea na vigezo vingi ambazo kwa pamoja vinaleta mtirirko wa kufahamu mapana na marefu ya Haki ya Mtoto. 

Naye Mhe. Dkt. Paul F. Kihwelo Jaji wa Mahakama ya Rufani na Mkuu wa Chuo cha Uongozi wa Mahakama Lushoto amesema kuwa Chuo  kimekuwa kikifanya tathimini katika kanda zote za mahakama kuu ili kuhakisha wadau mbalimbali walioshiriki kwenye mafunzo ya haki za mtoto wanaendelea kuwa na uelewa mkubwa katika kujuwa namna ya kusimamia kesi za madai kwa watoto mahakamani. 

Mhe. Dkt Kihwelo aliendelea kwa kusema kuwa, hata hivyo kitabu cha mkusanyiko wa kesi za watoto kimetayarishwa kwa lengo la kurahisisha upatikanaji wa maamuzi mengi ya mahakama za juu kuhusu haki za watoto kwa maafisa wa mahakama pamoja wadau wa wengine wa haki za mtoto ili kuweza kuongeza uelewa wa maamuzi mbalimbali yanayohusu haki ya mtoto mahakamani kupitia sheria ya mtoto ya mwaka 2009. 

Kwa upande wake Mwakilishi kutoka Shirika la Umoja wa Mataifa linaohudumia Watoto (UNICEF), Bi. Sampathi Perera alitoa pongezi nyingi kwa Mahakama ya Tanzania na Chuo cha Uongozi wa Mahakama Lushoto kwa kufanikiwa kuzindua kitabu hicho na kueleza kwamba uzinduzi wa kitabu hiki mafanikio makubwa sana kwani itawawezesha Majaji na Mahakimu kuendelea kutoa maamuzi sahihi kuhusu mashauri ya Watoto. 

 Uzinduzi huu ni sehemu ya utekelezaji wa Mpango Mkakati wa Chuo cha Uongozi wa Mahakama (IJA) 2018/2019-2022/2023 wa kuwajengea uwezo wadau wa sekta ya sheria nchini. Uzinduzi huo umehudhuriwa na wadau mbalimbali wa sekta ya Sheria nchini wanaohusika na haki za mtoto wakiwemo Majaji wa Mahakama ya Rufani, Majaji wa Mahakama Kuu, Mahakimu wa ngazi mbalimbali, Wawakilishi wa Taasisi za Serikali, Wawakilishi kutoka Mashirika yasiyo ya Serikali na Wawakilishi wa UNICEF.

Jaji Mkuu wa Tanzania, Mhe. Prof. Ibrahim Hamis Juma akizungumza na wadau wa Sheria wakati wa Uzinduzi wa Kitabu cha Mkusanyiko wa Mashauri ya Watoto (Compendium of Child Justice Cases) pamoja ripoti ya tathimini ya mafunzo kwa wadau wa haki za watoto (report on the impact assessment of trainings to juvenile justice frontline workers) . 

Mwakilishi kutoka Shirika la Umoja wa Mataifa linaohudumia Watoto (UNICEF), Bi. Sampathi Perera akizungumza wakati wa Uzinduzi wa Kitabu cha Mkusanyiko wa Mashauri ya Watoto (Compendium of Child Justice Cases) pamoja ripoti ya tathimini ya mafunzo kwa wadau wa haki za watoto (report on the impact assessment of trainings to juvenile justice frontline workers)

Wadau wa sheria kutoka katika vyombo mbalimbali vya sherria wakifuatilia uzinduzi wa Kitabu cha Mkusanyiko wa Mashauri ya Watoto (Compendium of Child Justice Cases) pamoja ripoti ya tathimini ya mafunzo kwa wadau wa haki za watoto (report on the impact assessment of trainings to juvenile justice frontline workers)

Read More

Mhe. John Mrosso Jaji Mstaafu wa Mahakama ya Rufani amefunga rasmi mafunzo elekezi kwa majaji wapya wa Mahakama Kuu ya Tanzania na Zanzibar

 

Jaji Mstaafu wa Mahakama ya Rufani Mhe. John Mrosso akifunga rasmi Mafunzo Elekezi kwa Majaji Wapya wa Mahakama ya Tanzania na Zanzibar yaliyokuwa yanafanyika Chuo cha Uongozi wa Mahakama Lushoto. 

 Waheshimiwa Majaji wa Mahahakama Kuu wakifuatilia tukio la ufungaji wa Mafunzo Elekezi yaliyofanyika kwa muda wa wiki tatu kuanzia tarehe 31 Mei na kufungwa tarehe 18 Juni, 2021 Chuo cha Uongozi wa Mahakama Lushoto.

1. Waheshimiwa Majaji wa Mahahakama Kuu wakifuatilia tukio la ufungaji wa Mafunzo Elekezi yaliyofanyika kwa muda wa wiki tatu kuanzia tarehe 31 Mei na kufungwa tarehe 18 Juni, 2021 Chuo cha Uongozi wa Mahakama Lushoto.

1. Waheshimiwa Majaji wa Mahahakama Kuu wakifuatilia tukio la ufungaji wa Mafunzo Elekezi yaliyofanyika kwa muda wa wiki tatu kuanzia tarehe 31 Mei na kufungwa tarehe 18 Juni, 2021 Chuo cha Uongozi wa Mahakama Lushoto.

1.     Meza Kuu wakiwa katika picha ya pamoja na watumishi wa Chuo cha Uongozi wa Mahakama Lushoto. 

1.     Mhe. John Mrosso Jaji Mstaafu wa Mahakama ya Rufani akiwa katika picha ya pamoja na watumishi wa Mahakama wilayani Lushoto. Kuliani Mhe. Salum Masatti Jaji Mstaafu wa Mahakama ya Rufani na Mkurugenzi wa Mafunzo Elekezi ya Majaji. Kushoto ni Mhe. Dkt. Paul F. Kihwelo Jajiwa Mahakama ya Rufani na Mkuuwa Chuo cha Uongozi wa Mahakama Lushoto

1.     Mhe. John Mrosso Jaji Mstaafu wa Mahakama ya Rufani akiwa katika picha ya pamoja na makundi mbalimbali na Washiriki wa Mafunzo Elekezi. Kulia ni Mhe. Salum Masatti Jajiwa Mstaafu wa Mahakama ya Rufani na Mkurugenzi wa Mafunzo Elekezi ya Majaji. Kushoto ni Mhe. Dkt. Paul F. Kihwelo Jaji wa Mahakama ya Rufani na Mkuu wa Chuo cha Uongozi wa Mahakama Lushoto

Read More

TIMIZENI MAJUKUMU YENU KWA KUFUATA SHARIA: JAJI MKUU

Jaji Mkuu wa Tanzania, Mhe. Prof. Ibrahim Hamis Juma, amewataka majaji

walioteuliwa na kuapishwa hivi karibuni kumwogopa Mungu na kutimiza

majukumu yao kwa kufuata Sheria, Katiba na kwa kuzingatia maadili na

viapo vyao.

Mhe. Jaji Mkuu alitoa wito huo Mei 31, 2021 alipokuwa akifungua mafunzo

elekezi kwa majaji hao, saba wa Mahakama ya Rufani, 21 wa Mahakama

Kuu ya Tanzania na watatu kutoka Mahakama Kuu ya Zanzibar,

yanayofanyika katika Chuo Cha Uongozi wa Mahakama Lushoto.

Aliwakumbusha majaji hao kuwa katika Karne ya 21, idadi ya sheria

zimeongezeka huku kasi za marekebisho ya sheria hizo nazo ikiwa

zimeongezeka, hivyo Jaji anapaswa kujiridhisha kama kuna marekebisho

ya sheria inayohusu jambo lililo mbele yake.

“Tukumbuke kuwa sheria zimejiingiza sana katika shughuli za kila siku za

kiuchumi, kibiashara, kijamii, kisiasa na kugusa maisha ya kawaida ya

wananchi wengi zaidi. Kwa hiyo, majaji, kama  watafsiri wa mwisho wa hizo

sheria nyingi, mnatakiwa kuwa watu wa Mungu ili kuhakikisha kuwa

mamlaka ambayo wananchi wamejibakizia kwa mujibu wa Katiba

hayaingiliwi na Mihimili mitatu ya Dola,”alisema.

Jaji Mkuu alibainisha kuwa utashi wa nafsi ya jaji, ubinadamu wake na

ubuntu wake lazima uwe wenye kumwogopa Mungu kwa kutambua kuwa

ingawa Katiba na Sheria zimewapa mamlaka makubwa na ya mwisho

katika jambo la utoaji haki, lazima watambue kuwa kuna Mwenyezi Mungu

wa kumwogopa na kuna ubinadamu na ubuntu wa kuheshimu.

“Vinginevyo unaweza kutumia sheria kufifisha haki ambazo wananchi,

kupitia Katiba ya Jamhuri ya Muungano, wamejiachia wao wenyewe.

Katiba ni sauti ya wananchi. Katiba imefafanua wananchi wamekopesha

mamlaka gani kwa mihimili ya Dola,” alisema.

Kwa mujibu wa Jaji Mkuu, wananchi wamebakisha mamalaka yote ambayo

majaji hawatakiwi kuyaingilia kupitia sheria zilizotungwa na Bunge na

kupitia maamuzi ya kimahakama na utekelezaji wa shughuli za serikali.

“Ukweli kuwa wananchi wamebaki na haki zao za msingi umebainishwa

katika utangulizi wa misingi ya Katiba inayotukumbusha sisi majaji na

vingozi wote wa umma kuwa tumekopeshwa mamlaka chache ambayo

tunapaswa kuyatuma kwa manufaa ya wananchi,” alisema.

Prof Juma amekishukuru Chuo cha Uongozi wa Mahakama, kupitia Mkuu

wa Chuo hicho, Dkt Paul Fauatine Kihwelu, kwa kuandaa mafunzo hayo ili

kuwatayarisha majaji hao kufanya kazi ya ujaji wa Mahakama Kuu na

Mahakama ya Rufani kwa ukamilifu.

Aliwakumbusha Majaji hao pia kuwa mafunzo hayo elekezi

yatawatayarisha kuwa sehemu ya Dira na Mpango Mkakati wa Mahakama

na hivyo kuwa sehemu  muhimu ya nguzo za mpango mkakati wa

mahakama na sera mbali mbali zinazohusu mahakama.

“Lengo hapa ni kuhakikisha kuwa mnavuka kwa haraka kipindi cha

kujifunza kazi za ujaji na mnaanza mara moja majukumu yenu ya ujaji

mahakamani mara baada ya mnafunzo haya elekezi,” alisema Jaji Mkuu.

Alibainisha pia kuwa Mahakama ya Tanzania inatambua kuwa kadri dunia

inavyopitia mageuzi makubwa ya kiuchumi na kiteknolojia kupita Mapinduzi

ya Nne ya viwanda, hugusa sana taratibu zilizopo za utoaji haki.

Jaji Mkuu alieleza kuwa kama majaji na mahakimu hawatapata mafunzo

endelevu mara kwa mara watajikuta wanaachwa mbali sana na mageuzi ya

kimaboresho. Hivyo, alisema kuwa Uongozi wa Mahakama ya Tanzania

umetoa kipaumbele kwa mafunzo elekezi na endelevu kwa majaji na

mahakimu ili kuboresha ufanisi, ujuzi, weledi na uwazi.

“Ni matumaini yangu kwa mafunzo haya elekezi yatawasidia kujenga

misingi ya positive attitude (Mtazamo chanya). Mada Mtakazopata katika

maeneo ya maboresho yatalenga kuwajengea mitazamo ya kimaboresho

na kuondoa negative attitudes (Mitazamo Hasi),” alisema.

Jaji Mkuu pia aliwakumbusha Majaji hao kwa ni viongozi katika nchi

maskini yenye wananchi wenye matarajio kuwa kazi ya viongozi ni

kuwaboreshea maisha, husuani utoaji wa haki. Alibainisha kuwa yapo

maeneo mengi ambayo sifa za uongozi za kila mmoja hujipambanua

wakati wa kutoa maamuzi.

Alisema kuwa kazi kubwa ya Jaji ni kusikiza na kupata ushahidi au

kusikiliza hoja ili zimsaidie kutumia sheria na kufikia uamuzi.

“Kumbukeni kuwa kiongozi mzuri mahakamani ni yule anayehakikisha

mahakama yake inatambua kuwa mwananchi aliye mbele yake ana haki

zake zote za msingi kwa mujibu wa Katiba, ikiwa pamoja na haki ya

kusheshimiwa na utu wake kuthaminiwa,” alisema.

Kuhusu maadili, Jaji Mkuu alisema kuwa uadilifu na maadili mema

husafisha nafsi na kuwawezesha kufanya kazi kwa kuzingatia Katiba na

masharti ya viapo vyao.

Alibainisha kuwa  kunapotokea ukiukwaji wa sheria watu wengi hukimbilia

kudai sheria mpya au marekebisho ya sheria iliyopo na kusahau kuwa

sheria sio mbaya, bali nafsi, maadili na hata tabia za wanaotekeleza sheria hizo ndizo mbaya.

Read More

Mahafali

 

Mahafali ya Chuo cha Uongozi wa Mahakama Lushoto yaliyofanyia 18 Desemba,  2020

 

Read More